Wenger awakomalia Sanchez, Ozil

LONDON, Uingereza

KOCHA mhenga Arsene Wenger wa Arsenal ni jeuri, hivyo ndivyo unavyoweza kusema.

Babu huyo aliyeinoa Arsenal kwa miaka 21, anasema yuko tayari kuwaachia wachezaji wake kama Alexis Sanchez na Mesut Ozil kuondoka bila ya kulipwa chochote baada ya kumaliza mikataba yao, hayuko tayari kuingia mikataba mipya kwa sharti la kuongezwa mishahara mikubwa isiyolingana na uchezaji.

Kama wachezaji watatu wangeuzwa, Arsenal ingeweza kuingiza kiasi cha pauni milioni 125 (zaidi ya sh. bilioni 366)

Mfaransa huyo ambaye timu yake ilitwaa ubingwa wa Kombe la Emirates Jumapili, alisema hawezi kuwauza wachezaji wake waliobakiza muda mfupi na wanaotaka kuondoka kwa sababu ya kutaka kupiga pesa tu.

Sanchez, Ozil, Alex Oxlade-Chamberlain, Santi Cazorla na Jack Wilshere ni miongoni mwa wachezaji ambao wamebakiza mwaka mmoja.

Wenger alisema msimamo wake ni kutaka kuiona wachezaji wakicheza vizuri kujituma kuonesha thamani yao na kupata mikataba mipya na si lazima kuhama.

Alipoulizwa kama anaona vizuri kwa Ozil kuondoka na kukataa mshahara wa pauni 140,000 (zaidi ya sh. milioni 410) kwa wiki anaopata, Wenger alijibu; Ndiyo. Si suala muhimu na ninafikiri ni mfano sahihi kwa sababu kila mtu anatakiwa kucheza.

“Haiwezi kubadilika kama umebakiza miaka miwili au mmoja, unakwenda nje ya uwanja,'' alisema na kuongeza kuwa wachezaji wanatakiwa kujituma kwa kipindi chote cha mikataba yao na si kuweka masharti.

Alisema kama mchezaji ataondoka hajali. Ni kitu cha kawaida kwake na kuwashangaa waandishi ambao wanashangazwa na kitu kama hicho.

Alisema kwa baadaye waandishi wataona zaidi makocha wakikataa kuwauza wachezaji kwa kuwa ada zinakuwa kubwa sana, hakuna atataka kutoa fedha zinazotakiwa, hiyo itakuwa katika kipindi cha miaka ijayo

Taarifa zinasema mshambuliaji raia wa Chile, Sanchez atajaribu kulazimisha uhamisho wake kwenda Manchester City katika siku za karibuni.

Sanchez alitarajiwa Arsenal juzi, lakini aliweka picha yake katika Instagram na kudai ni mgonjwa.

Kuna taarifa kuwa Sanchez anataka kujiunga na Manchester City ambayo inanolewa na Pep Guardiola.

Arsenal ina wachezaji nane ambao wamebakiza mwaka mmoja kwenye mikataba yao .

Ciao....

Comments

Mbappe apewa jezi Na 29 PSG, acheka na Neymar mazoeni

Kylian Mbappe kushoto akisalimiana na Neymar PARIS, Ufaransa MSHAMBULIAJI kinda Kylian Mbappe (18) baada ya kuhamia katika timu ya Paris Saint-Germain ya Ufaransa kwa mkopo wa msimu mmoja akitokea Monaco ametambulishwa na amefanya mazoezi kwa mara ya kwanza na mchezaji ghari zaidi duniani,Neymar Santos . Kylian Mbappe akiwa ameshika jezi namba 29 wakati wa kutambulishwa rasmi jana.(wapili kulia) ni baba yake, Wilfried kaka yake Ethan (watatu kulia na wanafamilia wengine. Neymar anachezea pia timu ya Brazil amesajiliwa na PSG kwa kwa pauni milioni 198 (zaidi ya sh. bilioni 578) na kuweka rekodi mpya ya usajili duniani akitokea Barcelona, ikiwa ni kiasi kilichoandikwa katika mkataba wake kinachoitaka timu inayomtaka kulipa kiasi hicho. Mbappe katika mkataba wake mpya na PSG kuna kipengele kuwa na chaguo la kuingia mkataba wa kudumu kwa ada ya pauni milioni 166 (zaidi ya sh. bilioni 484) Julai mwakani. Kama atasainiwa kwa kiasi hicho yeye na na Neymar pe...

Jezi za Kobe Bryant zastaafishwa LA Lakers

Kobe Bryant NEW YORK, Marekani TIMU ya mpira wa kikapu ya LA Laker inayoshiriki Ligi Daraja la Kwanza Marekani (NBA) imeamua kutozitumia jezi namba 8 na 24 zilizokuwa zikitumiwa na aliyekuwa mchezaji wa timu hiyo, Kobe Bryant. Bryant mwenye umri wa miaka 39 aliyetwaa ubingwa wa NBA mara tano alitangaza, kustaafu mchezo huo Aprili 2016 baada ya kucheza kwa miaka 20 katika timu ya Lakers, akifunga pointi 60 katika mchezo wake wa mwisho. Kobe Bryant alipokuwa na umri wa miaka 21 Amestaafu akiwa na rekodi ya kuwa mfungaji pointi nyingi wa wakati wote katika timu ya Lakers na wa tatu kwa NBA akifunga pointi 33,643. "Kila wakati nilikuwa nikiota yazi yangu kutungikwa katika ukuta za chumba cha kumbukumbu cha Lakers, lakini sikuwahi kufikiria zitakuwa mbili," alisema Bryant, aliyeanza kucheza mechi yake ya kulipwa ya kwanza mwaka 1996. Jezi hizo zitastaafishwa kwa maana ya kutotumiwa na mchezaji mwingine wakati wa mapumziko katika mchezo utakaofanyika katika sher...

Serena Williams ajifungua mtoto wa kike

Serena Williams (kushoto) na mpenzi wake Alexis Ohanian FLORIDA, Marekani NYOTA wa mchezo wa tenisi wa Marekani, Serena Williams amejifungua mtoto wa kike katika Kliniki mjini Florida. Williams mwenye umri miaka 35,alilazwa katika kituo cha Afya cha St Mary's , West Palm Beach Jumatano kabla ya kujifungua. Serena mwenye rekodi ya kutwaa mataji ya mashindano makubwa ya kila mwaka 'Grand Slam' 23 alisema mwezi uliopita amepanga kurejea katika tenisi Januari mwakani kwenye michuano ya Australia. Baada ya kutolewa taarifa kuwa amejifungua salamu za pongezi zimekuwa zikimiminika kutoka kwa wanamichezo wana watu maarufu. Habari za kujifungua kwake zimetoka wakati dada yake Venus akijiandaa kwenda kucheza mechi katika mashindano ya Tenisi ya Marekani dhidi ya Maria Sakkari na kumshinda kwa seti 2-0 akipata alama 6-3, 6-4. Serena Williams akiwa na Alexis Ohanian katika moja ya mitoko yao kabla ya kupata mtoto. "Nimefurahi sana," Venus alisem...

Spotifleva

Search This Blog