Mahrez ahesabu saa kutua Roma

ROMA, Italia
RIYAD Mahrez kesho atafanyiwa vipimo kabla ya kusaini mkataba wake wa pauni milioni 31.3 katika timu ya Roma, habari kutoka Italia zimesema.

Mchezaji huyo Bora wa Chama cha Wachezaji wa Kulipwa England (PFA) 2015-16 ameiambia timu yake ya Leicester kwamba anataka kuondoka ili kuendeleza kipaji chake.

Gazeti la Corriere dello Sport ambalo linajulikana kuwa karibu na timu hiyo ya Giallorossi limesema klabu zote mbili zimefikia makubaliano kuhusu ada huku Leicester maarufu kama 'Foxes’ (mbweha) ikitaka kumsaini Kelechi Iheanacho kutoka Manchester City kama mrithi wa Mahrez.

Mahrez baada ya kutua mjini Roma, leo anatarajiwa kupimwa afya kabla ya kusaini mkataba mpya kwa miamba hiyo ya Serie A.

Arsenal na Tottenham ni timu nyingine zilizokuwa zikimsaka mchezaji huyo raia wa Algeria, lakini zilikwazwa na ada iliyokuwa ikitakiwa na timu yake.

Roma ikiwa chini ya Mkurugenzi wa soka, Monchi imekuwa ikisaini wachezaji kujiimarisha baada ya kuondoka kwa Thomas Vermaelen, Wojciech Szczesny, Antonio Rudiger na Mohamed Salah huku pia ikitarajia kumuuza Kostas Manolas.

Mahrez mwenye umri wa miaka 26 anatarajiwa kuwa mrithi wa Salah, aliyesainiwa na Liverpool baada ya kufunga mabao 19 msimu uliopita.

Mahrez akiwa na Mbweha katika msimu wa 2015-16 ilitwaa ubingwa wa Ligi Kuu England na kuisaidia timu yake kufika robo fainali katika Ligi ya Mabingwa.

Comments

Mbappe apewa jezi Na 29 PSG, acheka na Neymar mazoeni

Kylian Mbappe kushoto akisalimiana na Neymar PARIS, Ufaransa MSHAMBULIAJI kinda Kylian Mbappe (18) baada ya kuhamia katika timu ya Paris Saint-Germain ya Ufaransa kwa mkopo wa msimu mmoja akitokea Monaco ametambulishwa na amefanya mazoezi kwa mara ya kwanza na mchezaji ghari zaidi duniani,Neymar Santos . Kylian Mbappe akiwa ameshika jezi namba 29 wakati wa kutambulishwa rasmi jana.(wapili kulia) ni baba yake, Wilfried kaka yake Ethan (watatu kulia na wanafamilia wengine. Neymar anachezea pia timu ya Brazil amesajiliwa na PSG kwa kwa pauni milioni 198 (zaidi ya sh. bilioni 578) na kuweka rekodi mpya ya usajili duniani akitokea Barcelona, ikiwa ni kiasi kilichoandikwa katika mkataba wake kinachoitaka timu inayomtaka kulipa kiasi hicho. Mbappe katika mkataba wake mpya na PSG kuna kipengele kuwa na chaguo la kuingia mkataba wa kudumu kwa ada ya pauni milioni 166 (zaidi ya sh. bilioni 484) Julai mwakani. Kama atasainiwa kwa kiasi hicho yeye na na Neymar pe...

Jezi za Kobe Bryant zastaafishwa LA Lakers

Kobe Bryant NEW YORK, Marekani TIMU ya mpira wa kikapu ya LA Laker inayoshiriki Ligi Daraja la Kwanza Marekani (NBA) imeamua kutozitumia jezi namba 8 na 24 zilizokuwa zikitumiwa na aliyekuwa mchezaji wa timu hiyo, Kobe Bryant. Bryant mwenye umri wa miaka 39 aliyetwaa ubingwa wa NBA mara tano alitangaza, kustaafu mchezo huo Aprili 2016 baada ya kucheza kwa miaka 20 katika timu ya Lakers, akifunga pointi 60 katika mchezo wake wa mwisho. Kobe Bryant alipokuwa na umri wa miaka 21 Amestaafu akiwa na rekodi ya kuwa mfungaji pointi nyingi wa wakati wote katika timu ya Lakers na wa tatu kwa NBA akifunga pointi 33,643. "Kila wakati nilikuwa nikiota yazi yangu kutungikwa katika ukuta za chumba cha kumbukumbu cha Lakers, lakini sikuwahi kufikiria zitakuwa mbili," alisema Bryant, aliyeanza kucheza mechi yake ya kulipwa ya kwanza mwaka 1996. Jezi hizo zitastaafishwa kwa maana ya kutotumiwa na mchezaji mwingine wakati wa mapumziko katika mchezo utakaofanyika katika sher...

Serena Williams ajifungua mtoto wa kike

Serena Williams (kushoto) na mpenzi wake Alexis Ohanian FLORIDA, Marekani NYOTA wa mchezo wa tenisi wa Marekani, Serena Williams amejifungua mtoto wa kike katika Kliniki mjini Florida. Williams mwenye umri miaka 35,alilazwa katika kituo cha Afya cha St Mary's , West Palm Beach Jumatano kabla ya kujifungua. Serena mwenye rekodi ya kutwaa mataji ya mashindano makubwa ya kila mwaka 'Grand Slam' 23 alisema mwezi uliopita amepanga kurejea katika tenisi Januari mwakani kwenye michuano ya Australia. Baada ya kutolewa taarifa kuwa amejifungua salamu za pongezi zimekuwa zikimiminika kutoka kwa wanamichezo wana watu maarufu. Habari za kujifungua kwake zimetoka wakati dada yake Venus akijiandaa kwenda kucheza mechi katika mashindano ya Tenisi ya Marekani dhidi ya Maria Sakkari na kumshinda kwa seti 2-0 akipata alama 6-3, 6-4. Serena Williams akiwa na Alexis Ohanian katika moja ya mitoko yao kabla ya kupata mtoto. "Nimefurahi sana," Venus alisem...

Spotifleva

Search This Blog