Cristiano Ronaldo aburutwa mahakamani

MADRID, Hispania
MWANASOKA nyota Cristiano Ronaldo leo ametinga katika mahakama nchini Hispania ambako anakabiliwa na mashitaka ya kukwepa mamilioni ya kodi .

Waendesha mashtaka wanamtuhumu Ronaldo ambaye ni manamichezo mwenye mapato makubwa zaidi duniani kukwepa kodi ya takribani dola milioni 17.3 (zaidi ya sh, bilioni 38.7).

Alitarajiwa kusema chochote baada ya kusomewa mashitaka lakini haikuwa hivyo.

Nyota huyo wa Real Madrid mwenye umri wa miaka 32, awali alikanusha tuhuma hizo kwa kusema kuwa yeye ni mtu safi.

Ronaldo ni mwanasoka wa mwisho katika msururu wa wanasoka walioshitakiwa na mamlaka ya kodi ya Hispania.

Nyota wa Argentina, Lionel Messi, anayeichezea Barcelona, alihukumiwa kifungo cha miezi 21 baada ya kukutwa na hatia ya kukwepa kodi mwaka jana.

Mwanzoni mwa mwezi huu, mahakama ilisema anaweza kulipa euro 252,000 (zaidi ya sh. milioni 661.6) ili asifungwe.

Ronaldo alikaa mahakamani kwa muda wa saa moja na nusu, alitoa ushahidi kwa majaji wa mahakama ya Pozuelo de Alarcón iliyopo nje kidogo ya mji wa Madrid.

Waandishi wa vyombo vingi vya habari walikuwepo mahakamani kusubiri kumwona na kumpiga picha Ronaldo, lakini hawakuambulia kitu kutokana kuingia kwa kupitia njia ya chini inatokea gereji.

Wakati wa kutoka, Ronaldo alitarajiwa kuzungumza chochote lakini aliondoka kwenda nyumbani kwake moja kwa moja na kufanya baadhi ya waandishi kumzomea.

Kwa mujibu waendesha mashitaka, Ronaldo alikwepa kodi hiyo kwa kutumia muundo wa kampuni aliyoianzisha 2010 kuficha mapato yake na kodi aliyotakiwa kulipa nchini Hispania yanayotokana na haki za kutumika kwa picha yake, kitu ambacho kinyume cha sheria.

Uongozi wa Ronaldo nao umekanusha madai hayo.

Akikutwa na hatia mshambuliaji huyo raia wa Ureno anaweza kutowa faini ya euro milioni 28 na kifungo cha miaka mitatu na nusu.

Comments

Mbappe apewa jezi Na 29 PSG, acheka na Neymar mazoeni

Kylian Mbappe kushoto akisalimiana na Neymar PARIS, Ufaransa MSHAMBULIAJI kinda Kylian Mbappe (18) baada ya kuhamia katika timu ya Paris Saint-Germain ya Ufaransa kwa mkopo wa msimu mmoja akitokea Monaco ametambulishwa na amefanya mazoezi kwa mara ya kwanza na mchezaji ghari zaidi duniani,Neymar Santos . Kylian Mbappe akiwa ameshika jezi namba 29 wakati wa kutambulishwa rasmi jana.(wapili kulia) ni baba yake, Wilfried kaka yake Ethan (watatu kulia na wanafamilia wengine. Neymar anachezea pia timu ya Brazil amesajiliwa na PSG kwa kwa pauni milioni 198 (zaidi ya sh. bilioni 578) na kuweka rekodi mpya ya usajili duniani akitokea Barcelona, ikiwa ni kiasi kilichoandikwa katika mkataba wake kinachoitaka timu inayomtaka kulipa kiasi hicho. Mbappe katika mkataba wake mpya na PSG kuna kipengele kuwa na chaguo la kuingia mkataba wa kudumu kwa ada ya pauni milioni 166 (zaidi ya sh. bilioni 484) Julai mwakani. Kama atasainiwa kwa kiasi hicho yeye na na Neymar pe...

Jezi za Kobe Bryant zastaafishwa LA Lakers

Kobe Bryant NEW YORK, Marekani TIMU ya mpira wa kikapu ya LA Laker inayoshiriki Ligi Daraja la Kwanza Marekani (NBA) imeamua kutozitumia jezi namba 8 na 24 zilizokuwa zikitumiwa na aliyekuwa mchezaji wa timu hiyo, Kobe Bryant. Bryant mwenye umri wa miaka 39 aliyetwaa ubingwa wa NBA mara tano alitangaza, kustaafu mchezo huo Aprili 2016 baada ya kucheza kwa miaka 20 katika timu ya Lakers, akifunga pointi 60 katika mchezo wake wa mwisho. Kobe Bryant alipokuwa na umri wa miaka 21 Amestaafu akiwa na rekodi ya kuwa mfungaji pointi nyingi wa wakati wote katika timu ya Lakers na wa tatu kwa NBA akifunga pointi 33,643. "Kila wakati nilikuwa nikiota yazi yangu kutungikwa katika ukuta za chumba cha kumbukumbu cha Lakers, lakini sikuwahi kufikiria zitakuwa mbili," alisema Bryant, aliyeanza kucheza mechi yake ya kulipwa ya kwanza mwaka 1996. Jezi hizo zitastaafishwa kwa maana ya kutotumiwa na mchezaji mwingine wakati wa mapumziko katika mchezo utakaofanyika katika sher...

Serena Williams ajifungua mtoto wa kike

Serena Williams (kushoto) na mpenzi wake Alexis Ohanian FLORIDA, Marekani NYOTA wa mchezo wa tenisi wa Marekani, Serena Williams amejifungua mtoto wa kike katika Kliniki mjini Florida. Williams mwenye umri miaka 35,alilazwa katika kituo cha Afya cha St Mary's , West Palm Beach Jumatano kabla ya kujifungua. Serena mwenye rekodi ya kutwaa mataji ya mashindano makubwa ya kila mwaka 'Grand Slam' 23 alisema mwezi uliopita amepanga kurejea katika tenisi Januari mwakani kwenye michuano ya Australia. Baada ya kutolewa taarifa kuwa amejifungua salamu za pongezi zimekuwa zikimiminika kutoka kwa wanamichezo wana watu maarufu. Habari za kujifungua kwake zimetoka wakati dada yake Venus akijiandaa kwenda kucheza mechi katika mashindano ya Tenisi ya Marekani dhidi ya Maria Sakkari na kumshinda kwa seti 2-0 akipata alama 6-3, 6-4. Serena Williams akiwa na Alexis Ohanian katika moja ya mitoko yao kabla ya kupata mtoto. "Nimefurahi sana," Venus alisem...

Spotifleva

Search This Blog