Skip to main content

Semenya apania kutwaa medali mbili London






Caster Semenya

 LONDON, Uingereza

MOJA kati ya vivutio mashindano ya riadha ya Dunia London yatakatoanza Ijumaa wiki hii ni mwanariadha Caster Semenya ambaye alizua utata kuhusu jinsi yake kutokana na kukimbia kwa kasi kama mwanaume.

Katika mashindano hayo, Semenya amesema anataka kutwaa medali mbili za dhahabu katika mbio za wanawake meta 800 na meta1,500.

Nyota huyo wa Afrika kusini mwenye umri wa miaka 26 anapewa nafasi kubwa ya kutwaa medali katika mbio za meta 800, akitaka kutwaa ubingwa wake wa tatu akiongezea medali ya dhahabu ya Olimpiki aliyotwaa Rio de Janeiro mwaka jana, na anatashiriki kwa mara ya kwanza mbio za meta 1500 katika mashindano ya kimataifa akiwa na nia ya kutwaa medali ya dhahabu.

Mashindano ya Dunia ya Riadha yanatarajia kuanza mjini London, Uingereza kuanzia 4 hadi 13 mwaka huu, baadhi ya mashabiki wanaona Semenya kwa kuwa na homoni nyingi za kiume 'testosterone' inampatia faida dhidi ya wapinzani wake.

Semenya mwezi uliopita  alifanya mahojiano na kituo cha televisheni cha Afrika Kusini, SuperSport na kusema hapendi kuulizwa swali mara kwa mara kuhusu jinsi yake na kwamba homoni alizonazo zinamsaidia kupata ushindi.

'' Sielewi wakati unaposema nina faida kwa kuwa mimi ni mwanamke, ninapokojoa ninakojoa kama mwanamke. Sikuelewi unaposema mimi ni mwanaume au nina sauti nene. Ninajua kuwa mimi ni mwanamke kwa hiyo hakuna swali kwangu.''

Alisema baadhi ya waandishi wamekuwa wakiuliza swali hilo kwa lengo la kumtia hasira, lakini yeye amejifunza jinsi ya kujibu na analigeuza suala lake kuwa chanya anashukuru familia yake inamuunga mkono.

Baada ya Semenya kutwaa ubingwa wa dunia 2009 akiwa na umri wa miaka 19, ilizua mjadala na kusababisha  kuhakikiwa jinsi yake na kupimwa ambapo ilionekana ana homoni za kiume zinazofanya awe na nguvu zaidi kuliko wapinzani wake.

Baada ya kusimamishwa kushiriki riadha kwa wanawake miaka mwili kutokana na suala la homoni zake, Mahakama ya Usuluhishi wa Michezo (CAS) iliingia kati suala hilo na kumruhusu Semenya kurejea kwenye mchezo mwaka 2015.

Katika mbio za maandalizi za  Diamond League Monaco alitumia muda wa dakika 1:55.27 meta 800 ukiwa ni muda wa kasi zaidi katika kipindi cha miaka 10, alikaribia kuivunja rekodi ya Jarmila  Kratochvilova wa Czech ya mwaka 1983.

Semenya ameamua kushiriki mbio za meta 1,500 London, anajiandaa kupambana na
Genzebe Dibaba kutoka Ethiopia.

Comments

Post a Comment

Popular posts from this blog

Wachezaji waliosajiliwa na kuhama timu zote Ligi Kuu England

WAKATI dirisha la usajili Ulaya 2017 lililoanza Juni 9 lNdaniafungwa leo saa sita usiku, ifuatayo ni orodha ya wachezaji walioingia na kutoka katika timu 20 za Ligi Kuu England . Kama wewe ni shabiki wa moja ya timu hizo angalia orodha hii ujue wachezaji walioingia au kuondoka. ARSENAL Ndani Alexandre Lacazette - Lyon (ada haijatajwa), Sead Kolasac - Schalke(bure). Nje Wojciech Szczesny - Juventus, pauni 14m, Gabriel Paulista - Valencia, pauni 10m, Kieran Gibbs - West Brom, pauni 7m, Yaya Sanogo - ameachwa, Stefan O'Connor - ameachwa, Kristopher da Graca - ameachwa,Kostas Pileas - ameachwa, Takuma Asano - Stuttgart- mkopo Chris Willock - Benfica, (ada haijatajwa), Glen Kamara - ameachwa, Marc Bola - Bristol Rovers- mkopo Carl Jenkson - Birmgham- mkopo Cohen Bramall - Birmgham- mkopo Emiliano Martiez - Getafe-mkopo, Stephy Mavididi - Preston-mkopo, Ismael Bennacer - Empoli, (ada haijatajwa), Jon Toral - Hull, (ada haijatajwa). BOURNEMOUTH Ndani Asmir Begovic - Ch...
Post a Comment
Read more

Zidane ajuta kumtwanga kichwa Materazzi

Picha mbili tofauti zinazomwonesha  Zinedine Zidane alipofanya tukio la kumpiga kichwa Marco Materazzi . MADRID, Hispania KOCHA wa timu ya  Real Madrid Zinedine Zidane amekumbuka tukio alilofanya kwa kumpiga kichwa aliyekuwa mlinzi wa timu ya taifa ya Italia,  Marco Materazzi katika kipindi chake cha mwisho cha uchezaji akisema kuwa hajisikii kujivuna kutokana na tukio hilo. Zidane alifanya tukio hilo wakati akiichezea Real Madrid, wakati akiitumikia Ufaransa katika mechi ya fainali ya kombe la Dunia 2006 ambayo iliisha kwa matokeo ya sare ya bao 1-1 kabla ya Azzuri kushinda kwa mikwaju ya penalti . Zidane ambaye alifanya mahojiano na kituo cha televisheni cha Ufaransa katika kipindi cha Telefoot na kuoneshwa kwenye runinga, alisema anajutia tukio hilo alilofanya katika siku za mwisho kama mchezaji. "Sijisikii kujivunia," Zidane alisema.  Zinedine Zidane akioneshwa kadi nyekundu kutokana na kumpiga kichwa  Marco Materazzi. "Sijivunii tuk...
Post a Comment
Read more

Wazazi 'wamsusa' mpenzi wa Ronaldo mjamzito

Cristiano Ronaldo akiwa na Georgina Rodriguez na mtoto wao Ronaldo Jr MADRID, Hispania MPENZI wa Cristiano Ronaldo, Georgina Rodriguez anadaiwa kutengwa na wazazi wake. Mrembo huyo mwenye  umri wa miaka 23 anatarajia kujifungua mtoto wa kike Oktoba mwaka huu na kuongeza familia familia yake na Ronaldo inayokuwa kwa  haraka,  lakini kuna taarifa mama na baba yake hawajihusishi katika ujauzito huo. Kwa mujibu wa gazeti la Marca la Hispania, Rodriguez hamekuwan hana uhusiano mzuri na wazazi wake. Limeripoti kuwa kutokana na baba yeke Jorge Eduardo Rodriguez kuishi Argentina, na mama yake, Ana Maria Hernandez yuko nchini Italia, anamaliza kipindi chake cha ujauzito bila ya kupata sapoti. Mwanamitindo huyo mwenye damu mchanganyiko ya Kihispania na ki-Argentina mzaliwa wa Jaca kaskazini mashariki mwa Hispania, amebakia  katika nchi aliyozaliwa na sasa yuko na nyota wa Real Madrid ,anarajia kupata mtoto ambaye atakuwa wa nne kwa Ronaldo. Mtoto atakayemza...
Post a Comment
Read more