Mashabiki Simba wamwandalia mapokezi makubwa Niyonzima

Haruna Niyonzima

Mwandishi wetu

WAKATI kikosi cha Simba kinatarajiwa kurejea Dar es Salaam kutokea Afrika Kusini ilikoweka kambi kwa ajili ya maandalizi ya msimu mpya kesho kutwa ,mashabiki wanajipanga kufanya mapokezi makubwa ya kiungo wake mpya Haruna Niyonzima.

Niyonzima ambaye ametangazwa rasmi juzi na Ofisa wa Habari wa Simba, Haji Manara kuwa sasa ni mchezaji halali  klabu hiyo, yuko  nchini kwao Rwanda baada ya kuomba ruhusa kutatua matatizo yake binafsi, anatarajiwa kuungana na timu yake mpya itakapotoka Afrika Kusini.

Habari ilizonazo Spotifleva mashabiki wengi wa klabu hiyo wanapanga kufanya mapokea makubwa ya Niyonzima ambaye amasjiunga na klabu yao akitokea Yanga aliyoitumikia kwa mafanikio makubwa kwa misimu sita.

“Tunajipanga kufanya mapokezi makubwa kwa Niyonzima ambaye tunaamini kuwa kwa kushiriana na wachezaji wenzie wataifanyia mambo makubwa timu yetu katika msimu huu,” alisema mwanachama wa klabu hiyo aliyejitambulisha na kwa jina Juma Hussein.

Baada ya kuwasili ataungana na wacheaji wenzie wa Simba ambao watafanya shughuli mbalimbali za kijamii katika wiki ya samba iliyozinduliwa rasmi juzi.

Niyonzima ananatarajiwa kutambulishwa rasmi katika Siku ya Simba Agosti 8  mwaka huu  kwenye uwanja wa Taifa Dar es Salaam sanjari na wacheaji wengine wote wa Simba ambapo kutakuwa na mchezo dhidi ya Rayon Sports ya Rwanda, pamoja na siku hiyo kupambwa kwa burudani pia jezi mpya zitakaotumia na klabu hiyo zitaoneshwa kwa mashabiki.

Baada ya mchezo wake na Rayon, Simba aitaingia tena kambini kujianda wka mchezo wake wa Ngao ya Jamii dhidi ya Yanga ukakaofanyika Agosti 23, kwenye Uwanja wa taifa Dar es Salaam kabla ya kuanza Ligi Kuu ya Vodacom Agosti 26, mwaka huu.