Zidane ajuta kumtwanga kichwa Materazzi

Picha mbili tofauti zinazomwonesha  Zinedine Zidane alipofanya tukio la kumpiga kichwa Marco Materazzi .

MADRID, Hispania
KOCHA wa timu ya  Real Madrid Zinedine Zidane amekumbuka tukio alilofanya kwa kumpiga kichwa aliyekuwa mlinzi wa timu ya taifa ya Italia,  Marco Materazzi katika kipindi chake cha mwisho cha uchezaji akisema kuwa hajisikii kujivuna kutokana na tukio hilo.
Zidane alifanya tukio hilo wakati akiichezea Real Madrid, wakati akiitumikia Ufaransa katika mechi ya fainali ya kombe la Dunia 2006 ambayo iliisha kwa matokeo ya sare ya bao 1-1 kabla ya Azzuri kushinda kwa mikwaju ya penalti .
Zidane ambaye alifanya mahojiano na kituo cha televisheni cha Ufaransa katika kipindi cha Telefoot na kuoneshwa kwenye runinga, alisema anajutia tukio hilo alilofanya katika siku za mwisho kama mchezaji.
"Sijisikii kujivunia," Zidane alisema.

 Zinedine Zidane akioneshwa kadi nyekundu kutokana na kumpiga kichwa Marco Materazzi.

"Sijivunii tukio hili, kwa watu wote vijana, makocha wote, watu wote wa kujitolea ambao wanachukulia mpira wa miguu kama kitu tofauti.
"Lakini ni sehemu ya uchezaji wangu, maisha yangu. Ni moja ya vitu ambavyo ingawa havivutii, lazima tukubali kwamba tunalazimika kuchanganua."
Awali wakati wa michuano hizo Zidane ambaye alibabwa vilivyo na Materazzi  katika mchezo huo alisema alifanya tukio hilo baada ya kupandwa hasira kutokana na kutukaniwa mama na dada zake, wakati wa mchezo.